بارش کے موسم میں بچپن کے تجربوں کو لکھئے اور ان کی تصویر بھی بنایئے ہدایات : اس سرگرمی کا مقصد بچپن کے دنوں کی برسات کی یادوں اور ان کی خوشیوں میں ایک دوسرے کو شریک کرنا ہے۔ آپ ذیل میں دیے گئے مجوزہ نکات کی بنیاد پر اپنے تجربوں کو لکھیے۔ آوازوں کی جو قسم آپ کو یاد ہو — بارش کی آواز، چھت پر بارش کی آواز، ہوا، بجلی کی کڑک، چڑیوں کی آوازیں، پانی کے جھرنے کی آوازیں وغیرہ —، برسات کے موسم کی اچھی بری بو کی قسمیں جو آپ کو یاد ہوں — مثلاً گھاس، نباتات، بھیگی مٹی، نمی اور خصوصی کھانوں کی خوشبو / بدبو وغیرہ، اس وقت کے لباس، بارش کے وقت کی خوردنی اشیا اور برسات کے گیت، تیوہار اور فصلیں جو آپ کو یاد ہوں۔ کوئی ایسی بیماری جو لوگوں کے خیال میں موسم برسات میں پھیلتی ہو۔ بھاری بارش کی وجہ سے لوگوں کے مسائل یا ان کی مشکلات یا ان کے علاوہ جو بات آپ بیان کرنا چاہیں۔ اپنے تاثرات کے اظہار سے پہلے ایک پل کے لیے غور و خوض کیجیے۔ بتائے گئے مراحل پر عمل کرکے بلاگ پر اپنی فہم میں دوسروں کو شریک کیجیے۔